හෘද රෝගයකට වැඩිදුර ප්‍රතිකාර ගැනීමට සංගප්පූරුව බලා යෑමට ඉකුත් (12) වැනිදා කටුනායක ගුවන් තොටුපොළට පැමිණි කතානායක කරු ජයසූරිය මහතාට ගුවනින් ගමන් කිරීම සඳහා වෛද්‍ය අවසරයක් ඉදිරිපත් කරන්නැයි ‘එමිරේට්ස්’ ගුවන් සේවය පවසා ඇතැයි වාර්තා වේ.
‘එමිරේට්ස්’ ගුවන් සේවයේ පළමු පන්තියේ ආසනයක් වෙන් කර තිබිණි. ලෝක සෞඛ්‍ය සංවිධානයේ විසි වසරක් සේවය ලංකා දිසානායක දියණිය ද සිය පියාත් සමග මේ ගමනට එක්ව සිටියාය.
කොළඹ පෞද්ගලික රෝහලක වෛද්‍ය කණ්ඩායමක් විසින් කතානායක කරු ජයසූරිය මහතාට ප්‍රතිකාර සිදු කර ඇති අතර ඔහුට සිංගප්පූරුවට ගොස් වැඩිදුර ප්‍රතිකාර ලබාගන්නැයි එම වෛද්‍ය කණ්ඩායම උපදෙස් දී ඇතත් ජයසූරිය මහතා ගුවනින් යෑමට සුදුසු දැයි සෑහීමකට පත් වීම සඳහා එමිරේට්ස් සමාගම අමෙරිකා වෛද්‍ය මධ්‍යස්ථානයෙන් උපදෙස් පතා ඇත.එහෙත් ජයසූරිය මහතා රැගෙන ගොස් නැත.
මිනිත්තු දහයක් ඇතුළත කතානායකවරයාට ප්‍රතිකාර කරන ලද රෝහලෙන් වෛද්‍ය අවසරයක් ලබාගත හැකි බව ජයසූරිය මහතාගේ දියණිය ගුවන් සේවයට දන්වා තිබුණද එය ද ඔවුන් පිළිගෙන නැත.
ගුවන් තොටුපොළේ ඇති වෛද්‍ය අංශයෙන් හෝ රෝහලෙන් ලබා දිය හැකි වූ තිබූ වෛද්‍ය අවසරය ලබාගැනීමට එම සමාගම ක්‍රියාකර නැතැයි ද කියති.
එමිරේට්ස් ගුවන් සේවයේ මෙරට ප්‍රධානී චන්දන ද සිල්වා මහතා කියා ඇත්තේ ඔහුගේ කාර්ය මණ්ඩලයෙන් කරුණු විමසීමක් කළ යුතු බවයි.
ජයසූරිය මහතා ඉන් පැය 12කට පසු සිංගප්පූරු රෝහලට රැගෙන යාමට නෑයෝ සමත් වූහ.
