දඹුල්ල රෝහලේ පැතිර ඇති මකුණු උවදුර මර්දනය කරන ආකාරය නිරීක්ෂණය සඳහා මධ්‍යම පළාත් ආණ්ඩුකාර නිලූකා ඒකනායක මහත්මිය එහි ගියාය.
මාධ්‍ය මගින් රෝහලේ තත්ත්වය දැක ඇය එහි පැමිණි බව කීවාය. මකුණු මර්දනය සාර්ථක බව කී ආණ්ඩුකාරවරිය දියුණු තාක්ෂණය යොදාගෙන ජීවානුහරණය කරන ලද දුමක් මගින් රෝහලේ මකුණන් මර්දනය කරන බව කීවාය.
මකුණන් මර්දනය සඳහා රුපියල් හාර ලක්ෂ තිස් දෙදහසක මුදලක් වැය වන බව රෝහලේ අධ්‍යක්ෂකවරයකු කීවේය. දඹුල්ල රෝහලේ ප්‍රසූත වාට්ටුවේ මව්වරුන් හා අලුත උපන් දරුවන්ට ඉඩ කඩ අවමවීම ඇතුළු අපහසුතා රැසක් විඳීමට සිදුවන බව මාධ්‍යවේදීහු ආණ්ඩුකාරවරියට පෙන්වා දුන්හ. ඒ පිළිබඳ සෞඛ්‍ය ඇමැතිවරයාගේ අවධානය යොමු කරවන බව ඇය කීවාය.
