කොටි සංවිධානයේ මාධ්‍ය ප්‍රකාශක ලෙස කටයුතු කළ වේලායුදන් දයානිධි හෙවත් දයා මාස්ටර් බ්‍රහස්පතින්දා (11) තෙක් රිමාන්ඩ් කිරීමට වව්නියාව මහේස්ත්‍රාත් බාලේන්ද්‍රන් ශෂි මහේන්ද්‍රන් මහතා අද (10) නියෝග කළේය.
නීති විරෝධී ත්‍රස්ත සංවිධානයක මාධ්‍ය ප්‍රකාශකවරයකු ලෙස කටයුතු කිරීම යන චෝදනාවට ත්‍රස්තවාදය වැළැක්වීමේ පනත යටතේ ත්‍රස්ත විමර්ශන අංශය ඔහුට එරෙහිව නඩු පවරා ඇත.
දයා මාස්ටර් හා ජෝර්ජ් මාස්ටර් 2009 අප්‍රේල් 20 වැනිදා පුදුමාතලන්හිදී රජයේ හමුදාවට බාර වූහ. ඒ යුද්ධය අවසන් වීමට දින කිහිපයකට පෙරදීය.
(ඡායාරූප සිතුම් චතුරංග සහ රොමේෂ් මධුසංඛ)
