සැප්තැම්බර් 09 වැනිදා බොලිවුඩයට සමගාමිව ලොවපුරා ප්‍රදර්ශනය කිරීමට නියමිත නිත්‍යා මෙහෙරාගේ "බාර් බාර් දේකෝ" චිත්‍රපටයේ ඇතුළත් ගීතයක් වන "කාලා චස්මා" මීට දින දෙකකට පෙරදී එළිදක්වනු ලැබීය. එය එළිදක්වා දින දෙකෙක් ගෙවෙද්දි එම ගීතය මිලියන 20කට වඩා වැඩි පිරිසක් නරඹා ඇති බව ප්‍රකට "සන්ටා බන්ටා" වෙබ් අඩවිය සඳහන් කර සිටියි.
කරන් ජෝහර්ගේ "ධරම්" ප්‍රඩක්ෂන් ආයතනය විසින් නිෂ්පාදනය කර ඇති මෙම චිත්‍රපටයේ ප්‍රධාන නළුනිළි චරිත සිද්ධාර්ත් මල්හෝත්‍රා හා කත්‍රිනා කයිෆ් විසින් නිරූපණය කරනු ලබයි. මෙම චිත්‍රපටය කත්‍රිනා කයිෆ් මෙන්ම සිද්ධාර්ත් මල්හෝත්‍රාද මේ වසරේ සිය රසික පිරිස් මුණගැසෙන දෙවැනි චිත්‍රපටයද වේ. එමෙන්ම ඔවුන් දෙදෙනා සිනමා පෙම්වතුන් ලෙස දකින මුල්ම වතාවද මෙයවීම විශේෂත්වයකි.
