මෑත කාලයේ ප්‍රේක්ෂක හදවත් තුළ ලැගුම්ගත් ගීත අතරින් "අවසාන ප්‍රේමයි මාගේ” ගීතය හරහා දිමන්ක වෙල්ලාලගේ කියන ගායන ශිල්පියා මතකයේ රැඳෙන ගායන තරුවක් බවට පත්වුණා. ප්‍රේමය, විරහව, ශෝකය කියන හැඟීම් තාරුණ්‍යයට නුහුරු නුපුරුදු අත්දැකීමක් නෙමෙයි. කඳුළ සහ ප්‍රේමය ආදරණීය සිත්සතන්වලට ආමන්ත්‍රණය කරන්නට සමත්වූ දිමන්ක, පසුගියදා අලුත් ගීතයක් එළි දැක්වූවා. එහි ඕඩියෝව පමණක් සිදුකර ඇති අතර, පෙරේදා එම ගීතයේ වීඩියෝව එළිදැක්වූවාය. ඒ පිළිබඳව ඔහු අප සමග මෙසේ පැවසීය.
"ආදරෙයි කාටවත් මේ තරම්^ තමයි ගීතය නම් කරලා තියෙන්නේ. සංගීතය කළේ තිළිණ රුහුණගේ, මෙහි පද රචනාව රචිතා වාකිෂ්ඨගෙන්. වීඩියෝ එක කළේ අයේෂා දිසානායක කියලා කෙනෙක්. ඔය විදිහට තමයි ඒකේ කටයුතු වුණේ. ඉතිං පෙරේදා දිනයේදී එම වීඩියෝ එක බලා ගන්න රසිකයන්ට අවස්ථාව ලැබුණා. එහි ඕඩියෝව නම් ඉතාමත් ජනප්‍රිය වෙමින් වුණා. මම හිතනවා මේ වීඩියෝවත් රසිකයන් වැළඳ ගනී කියලා.*
ආදරෙයි කාටවත්
නැති තරම් කියා
මේ වගේ ආයෙමත්
කියන්නත් එපා
ඩිලාන් ක්‍රිෂාන්ත
ඡායාරූප - දිමන්කගේ ෆේස්බුක් ගිණුමෙනි
