කැලණිවැලි දුම්රිය මාර්ගයේ අවිස්සාවේල්ලේ සිට කොටුව දක්වා ධාවන වූ පැසල් දුම්රියට නාරාහේන්පිට දී ගල් ගැසුවේ යැයි කියන අවුරුදු 16, 17 හා 18 වයසැති තරුණයන් තිදෙනෙක් අද (17) අත්අඩංගුවට ගත් බව නාරාහේන්පිට පොලිසිය කියයි.

සැකකරුවන් නාරාහේන්පිට පිච්චමල්වත්ත උසාවියවත්තේ පදිංචිකරුවෝ වෙති. ගල් ප්‍රහාරයෙන් දුම්රියේ වීදුරු කිහිපයක් බිඳී ඇති බවත් පොලිසිය ඔවුන්ගෙන් ප්‍රශ්න කිරීමේදී විනෝදයට ගල් ගැසූ බවත් සැකකරුවන් පැවසූ බව පොලිසිය කියයි.

සැකකරුවන් අගෝස්තු 18 වැනිදා කොළඹ අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතය.