යාපනය නවීකරණය කරන ලද ඇල්ෆර්ඩ් දුරෙයි අප්පා ක්‍රිඩා සංකීර්ණය ජනාධිපති මෛත්‍රීපාල සිරිසේන මහතා අතින් අද (18) උදෑසන විවෘත කෙරිණ.
ඊට සමගාමීව පාසල් සිසුන් 11000ක් පමණ සහභාගී වූ යෝග වැඩ සටහනක් පැවැත්විණ.
ඉන්දියා අගමැති නරේන්ද්‍ර මෝදි මහතා එම වැඩසටහන සජීවීව නරඹන බව ජනාධිපති මෛත්‍රීපාල සිරිසේන මහතා සිය කතාව අරඹමින් සඳහන් කළේය.
නවීකරණය කරන ලද ක්‍රීඩාංගණය යළි විවෘත කිරීමට ලැබීම භාග්‍යයක් බවත් ඉන්දියාව සහ ශ්‍රි ලංකාව අතර මිත්‍රත්වය වැඩි කරන තවත් එක් අවස්ථාවක් බව ජනපති මෙහිදි කීවේය.
ජනපතිගේ කතාවෙන් පසු ඉන්දියා අගමැති නරේන්ද්‍ර මෝද ඉන්දියාවේ සිට සජීවිව උත්සව සභාව ඇමැතීය.
ඉන්දියා රජය සැමවිටම ශ්‍රී ලංකාව සමඟ සහෝදරත්වයෙන් සිටින බව මෝදී කීවේය.
ඉන්දියා රජයේ ආධාර මත මෙම ක්‍රීඩාංගණය නවීකරණය කෙරිණ.
