බොලිවුඩයේ සුපිරි නිළි කරීනා කපූර් මේ වනවිට ගැබ්ගෙන සිටින පුවත බොහෝ දෙනෙකුට රහසක් නොවේ. නොයෙකුත් මාධ්‍යයන් මේ පිළිබඳව වාර්තා කර සිටියත් ඒ පිළිබඳව කරීනා දැක්වූයේ නිහඬ පිළිවෙතක්. නමුත්, පසුගියදා කරීනා හා ඇයගේ සැමියා වූ සායිෆ් අලි ඛාන් ප්‍රසිද්ධියේ පෙනී සිටිමින් පවසා තිබුණේ කරීනා මේ වනවිට ගැබ් ගෙන සිටින බවත් සිය පළමු දරුවා දෙසැම්බර් මාසයේදී උපදින්නට සූදානමින් සිටින බවත්ය.
පසුගිය සති කිහිපයේදීම කරීනා මෙන්ම තමාද දැඩි ලෙස කාර්යබහුල වි සිටි නිසාවෙන් මේ පිළිබඳව නිල නිවේදනයක් නිකුත් කිරීමට නොහැකි වූ බව සමාව අයදමින් සායිෆ් මෙය ප්‍රකාශ කර තිබුණ අතර, කරීනා හා තමාට දාව උපදින දරුවා දැකීමට තමා දැඩි ප්‍රීතියකින් පසුවෙන බවද මෙහිදි සායිෆ් වැඩිදුරටත් පවසා තිබුණා. මෙම නිල නිවේදනය නිකුත් කිරීමත් සමග සායිෆ් හා කරීනාගේ බොලිවුඩ් තරු, දේශපාලඥයන් මෙන්ම ක්‍රීඩා තරුවලට උණුසුම් සුබපැතුම් පිරිනැමුණ බවද මෙම තොරතුරු පළ කළ වෙබ් අඩවිය වැඩිදුරටත් සඳහන් කරනවා.
