මේ දිනවල ටෙලි නාට්‍යය කිහිපයකින්ම ඔබ හමුවන ධනංජි තාරුකා කළුආරච්චි නව පරපුරේ ජනප්‍රිය නිළියක්. නිළියකට අමතරව නර්තන ශිල්පිනියක ලෙසද සිය හැකියාවන් ඉදිරිපත් කරන ධනංජි දෙරණ රූපවාහිනි නාළිකාවේ විකාශය වන "ස්ටාර් සිටි" රියැලිටි තරගාවලියේ "රොක් එන්ජල්ස්ක" ණ්ඩායමේ සාමාජිකාවක් ලෙසද අපි දකිනවා. එමෙන්ම කාලයක් තිස්සේ ධනංජි බලාපොරොත්තු වූ සිහිනයක්ද මේ වනවිට සඵල වී තිබෙනවා. ඒ පිළිබඳව ධනංජි "සාරවිට" අපිට මෙලෙස තොරතුරු පැවසුවා.

කාලයක ඉඳලා මගේ හිතේ තිබුණ ලොකුම හීනයක් තමයි සිනමාවට සම්බන්ධ වෙනවා කියන එක. දැන් මගේ ඒ සිහින සඵල වෙලා තියෙනවා. මේ දිනවල මම චිත්‍රපට දෙකක් සඳහා සම්බන්ධ වෙලා වැඩ කරනවා. ඒ නිහාල් බණ්ඩාරගේ "සීමා නැහැ ආකාසේ" හා පබ්ලියෝගේ "බ්ලැක්මෙල්" කියන චිත්‍රපටවලට. "සීමා නැහැ ආකාසේ" චිත්‍රපටයේ මම පෙනී ඉන්නේ උප ප්‍රධාන චරිතයකට. නමුත්, "බ්ලැක්මෙල්" චිත්‍රපටයේ මම පෙනී ඉන්නේ ප්‍රධාන චරිතයට. මේ දවස්වල මෙම චිත්‍රපටවල අවසන් රූපගත කිරීම් සිදුවෙනවා. ඉතින් දැන් ඇඟිලි ගැන ගැන ඉන්නෙ මේ චිත්‍රපට කවදදා ප්‍රදර්ශනය කරන්නේ කියලා."

බුද්ධික සේනාධීර / ඡායාරූප - ධනංජිගේ ෆේස්බුක් ගිණුම