ජනපතිවරණ මැතිවරණ පොරොන්දුව අනුව හෙදියන්ට හෙද පීඨයක් ලබාදෙන බව සෞබ්‍ය හා දේශීය අමාත්‍ය රාජිත සේනාරත්න මහතා අද (12) ජාත්‍යන්තර හෙද දින ජාතික උත්සවය අමතමින් කියා සිටියේය.

‘අපේ පොරොන්දුව ඉෂ්ඨ කරමින් කොරියා විශ්ව විද්‍යාලයේ සමාජිකයන් සහභාගී කර ගන්න දැන් සැලසුම් හදලා තියෙන්නේ. නොබෝ දිනකින් ජනාධිපතිතුමා අතින් මුල්ගල් තියනවා. මේකට සමහර සංගම් විරුද්ධ වුණා. අනාගතයේ හෙද සේවය උපාධියක් වෙනවා. එදාට රුපියල් ශත වලින් හම්බ නොවුණු ගරුත්වය හම්බවෙනවා. අද හෙද සේවයට ජාත්‍යන්තර වශයෙන් විශාල තැනක් හිමිවෙලා. 2002 අපේ රනිල් වික්‍රමසිංහ අගමැතිගේ කාලේ මම විශාල අරගලයක් කළා හෙද සේවය වෙනුවෙන්. ඒ කාලේ කැබිනට් අනු කමිටුවකුත් පත් කළා හෙද සේවය වෙනුවෙන්‘ යැයි ද සේනරාත්න මහතා පැවසීය.

සමස්ථ ලංකා හෙද හෙදියන්ගේ සංගමයේ සභාපති සමන් රත්නප්‍රිය මහතාද උත්සවයට එක්විය.