අස්ගිරි පාර්ශවයේ නව මහනායක ධුරය සදහා හිමිනමක් තෝරාගැනිම අප්‍රේල් 7 වැනිදා සවස 4ට සිදුකිරීමට අද පැවැති විශේෂ සාකච්ඡාවකදී තීරණය කැරිණි. අද (20) පස්වරු 4.00 ට අස්ගිරි මහා විහාරයේදි මෙම සාකච්ඡාව පැවැති අතර එහිදී අපවත් වී වදාළ ගලගම අත්ථදස්සී නාහිමියන්ගේ ගුණ සිහිපත් කිරීමක්ද සිදු විය.
අස්ගිරි මහනායක පත්කිරීම ගැන විශේෂ සාකච්ඡාවක් අද
අස්ගිරි පාර්ශවයේ නව මහනායක ධුරය සදහා හිමිනමක් තෝරාගැනිමේ පළමු සාකච්ඡාවක් අද (20) පස්වරු 4.00 ට අස්ගිරි මහා විහාරීය මංගල උපෝසථාගාරයේදී පැවැත්වෙන බව අස්ගිරි පාර්ශවයේ නියෝජ්‍ය ලේඛකකාධිකාරි නාරම්පනාවේ ආනන්ද හිමියෝ කියති.
අස්ගිරි මහා විහාර පාර්ශවයේ අනුනායක වරකාගොඩ ශ්‍රි ගුණරතන නාහිමියන් සහ අනුනායක වෙඩරුවේ උපාලි නාහිමියන්ගේ ප්‍රධානත්වයෙන් අස්ගිරි මහාවිහාරිය කාරක සංඝ සභාව රැස් වි අස්ගිරි මහනායක ගලගම අත්ථදස්සි මහ නාහිමියන්ගේ අපවත් වීම සම්බන්දව සංවේගය පළ කර ඉන් පසු උන් වහන්සේ කළ සේවාව ඇගයීමට ද කටයුතු යොදා ඇත.
පුරප්පාඩු වු අස්ගිරි පාර්ශවයේ නව මහනායක ධුරය සදහා හිමිනමක් පත් කර ගැනිම සඳහා දිනයක් යොදා ගැනිම ද අද සිදු කිරීමට නියමිත බවත් ආනන්ද හිමියෝ කීහ.
