වැලිකඩ ගියපු නාමල්තුමාට හිරගෙදරදි අමුතු අත්දැකීමක් ලැබුණා කියලා ආරංචියි.
ඒ කතාව එළියට ආවෙ එයාට ඇප ලැබුණට පස්සෙයි. හිරේ යනකොට හොඳටම කොණ්ඩෙ වවාගෙන හිටපු නාමල්තුමාට ඇප ලැබෙනකොට කොණ්ඩෙ "නෝට් එකටම" කපලා. ඉතින් හිරේ ඉන්නකොට උන්නැහේගෙ කොණ්ඩෙට වුණේ මොකද කියලා හැමෝම අහන්න පටන්ගත්තලු...
ඒක රස කතාවක් කියපු නාමල් සිද්ධිය විස්තර කළා... හිරගෙදර ඉන්න එක්තරා රුඳවියකුට හොඳට කොණ්ඩෙ කපන්න පුළුවන්ලු. එයා මන්ත්‍රී නාමල් කොණ්ඩය වවාගෙන ඉන්නව දැකලා "සර් කපමුද කොණ්ඩෙ" කියල ඇහුවලු... ඒත් නාමල්තුමා ඒකට එච්චර සතුටුවෙලා නැහැ.. නමුත් මේ නිල නොවන බාබර් වැඩේ අතෑරල නැහැ. මිනිහා නාමල් පස්සෙම ගිහිල්ලා ගිහිල්ලා "අනේ සර්" ඔබතුමා ගියාම අයෙ ජීවිතේට මට ඔබතුමාගෙ කොණ්ඩෙ කපන්න ලැබෙන්නෙ නැහැ. මම නියමෙට කපන්නම් කියල මිනිහා ඉනේ ගහගෙන හිටපු කතුරයි පනාවයි අරන් නාමල් පුංචි බංකු කබලක වාඩිකරලා කොණ්ඩෙ කැපුවලු.
කොණ්ඩෙ කපලා බලනකොට වැඩේ නියමෙට වෙලා තියෙනවා කියලා නාමල්තුමාටත් පෙනිලා... ඊටපස්සෙ නාමල්තුමා මේ බාබර්ට කිව්වලු... දැන්නම් දෙන්න සල්ලි නැහැ. හිරෙන් ආවමත් ඔයා මගේ කොණ්ඩෙ කපන්න කියලා.
