දළඳා පෙරහරට සහභාගී වීම සඳහා නුවරට යන නඳුන්ගමුවේ රාජා ඇතාට විශේෂ ආරක්ෂාවක් දෙන්නැයි තිරසර සංවර්ධන හා වනජීවි අමාත්‍ය ගාමිණී ජයවික්‍රම මහතා උපදෙස් දී ඇත.
මෙරට බෞද්ධ සංස්කෘතියේ සුවිශේෂී අංගයක් වන දළදා පෙරහැරේ කරඬුව වඩමවන්නේ නඳුන්ගමුවේ රාජා ඇතාය. එම හස්තිරාජයා වනවිටත් නුවරට යෑම සඳහා ගමන් අරඹා ඇති අතර අමාත්‍යවරයාගේ උපදෙස් පරිදි විශේෂ පොලිස් ගමන් රථයක් හා හමුදා ආරක්ෂාවක් දීමට කටයුතු යොදා ඇත.
මේ පිළිබඳව ඇමැතිවරයා පොලිස්පතිවරයාට හා හමුදාපතිවරයාට පෞද්ගලිකව දැනුම් දී ඇති අතර ඇතාගේ සෞඛ්‍ය තත්ත්වය යහපත් ලෙස පවත්වා ගැනීම සඳහා පශු වෛද්‍ය කණ්ඩායමක් මහනුවරට යවන ලෙස ද උපදෙස් දී ඇතැයි කියති.
