නියඟය නිසා උඩරට හා පහතරට තේ නිෂ්පාදනය පහත වැටී ඇත. නුවරඑළිය කළුගල බ්‍රෝඩ්ලන්ඩ්ස් තේවත්තේ කළමනාකරු නිලන්ත වීරසිංහ මහතා පවසනුයේ පසුගිය දින 48 දීම වැසි නොලැබුණු බවයි.
ජනවාරි හා පෙබරවාරියේ දින 5ක් පමණක් වැසි ලැබුණු බවත් මේ තත්ත්වය ඉතා බරපතල ලෙස තේ නිෂ්පාදනයට බලපාන බව කියති.
දකුණු පළාතේ එවර්ග්‍රීන් සමූහයේ අධ්‍යක්ෂ ඉන්දික නල්ලපෙරුම මහතා පවසනුයේ තේ නිෂ්පාදනය 40%කින් පහත වැටී ඇති බවයි.
බොහෝ වතු වසා දමා ඇති අතර තවත් බොහෝ වතුවල නිෂ්පාදනය අඩකින් පමණ අඩුවී ඇත. නුවරඑළියේ පානීය ජලය ද ප්‍රශ්නයක් වන ලකුණු පෙනෙන්නට ඇත.
