පියුමි ප්‍රනාන්දු යනු නිරූපණ ක්‍ෂේත්‍රයට නැවුම් මුහුණකි. විනෝදාංශයක් වශයෙන් නිරූපණයේ නියැළෙන ඇය සමග "සාරවිට" යෙදුණු කතාබහකි මේ.
ඔබ ගැන හැඳින්වීමක් කළොත්?
මගේ නම පියුමි ප්‍රනාන්දු. දැනට වයස 23යි. මම විශේෂයෙන් කියලා මුකුත් කරන්නේ නැහැ. ගෙදර තමයි ඉන්නේ.
නිරූපණයට එකතු වුණේ කොහොමද?
2013 වර්ෂයේදී තමයි මුලින්ම ෆොටෝ ෂූට් එකක් සඳහා සහභාගී වුණේ. බ්‍රයිඩල් ෂූට් සඳහා දායක වුණා. නමුත් ලොකුවට මේ දේවල් සඳහා දායක වුණේ නැහැ.
පොඩිකාලේ තිබුණ ආසාවක්ද නිරූපණය කියන්නේ?
ඔව්, මම පොඩිකාලේ ඉඳන්ම නිරූපණය සඳහා ආසාවක් තියෙනවා.
මේ පිළිබඳව හදාරන්නේ නැද්ද?
නිරූපණය පිළිබඳව ඉගෙන ගැනීමේ ආසාවක් තියෙනවා. ඒ සඳහා ඉදිරියේදී දායක වෙන්න බලාපොරොත්තු වෙනවා.
නිරූපණයෙත් පැතිකඩයන් තියෙනවා නේද?
ඔව්, මම වැඩිපුරම කැමැත්තක් දක්වන්නේ බ්‍රයිඩල් සහ ෆැෂන් පැත්තටයි.
රංගනයට යොමු වෙන්න ආසාවක් නැද්ද?
රංගනයටත් කැමැත්තක් තියෙනවා. නමුත් ඒ පිළිබඳව දැනගෙන ඉන්න ඕනේ.
නිරූපණ සඳහා යොමුවුණේ වෘත්තීයක් විදිහට කරන්න බලාගෙනද?
අනේ නැහැ. මම නිරූපණය සඳහා යොමුවුණේ විනෝදාංශයක් විදිහටයි.
දෙමාපියන්ගෙන් අකමැත්තක් නැද්ද නිරූපණ සඳහා යොමුවෙනවාට?
ලොකු ප්‍රශ්නයක් නැහැ. සාමාන්‍යයෙන් ගැළපෙන දෙයක් තිබ්බොත් කැමැත්ත දෙනවා.
තරුණියක් සඳහා අද නිරූපණය හොඳයි කියලා හිතනවාද?
ඕනෑම දෙයක් තෝරාගෙන බේරාගෙන කළොත් තමයි හොඳ. හැමදේම ගැළපෙන්නෙ නැහැ.
නිරූපණය තුළින් අද ධනාත්මක දෙයක් දකින්න බැහැනේද?
නිරූපණය හොඳයි. නමුත් නරක පැත්තෙන් යන්නේ නැතුව තමන්ට හොඳ විදිහට යනවානම් නිරූපණය හොඳයි.
ඩිලාන් ක්‍රිෂාන්ත / ඡායාරූප - කවීත් මිලින්ද
