ශ්‍රී ලාංකික රස කලාවට නව පිටුවක් එක් කරමින් නිව් වයිට් ඕෂනික් අවන්හල් ජාලයේ 6 වැනි ශාඛාව ශ්‍රී ලංකාවේ කටාර් තානාපති මහාචාර්ය ඩබ්ලිව්. එම්. කරුණාදාස මහතා අතින් පසුගියදා ආසියානු නගරයේදී විවෘත විය.
එහිදී වයිට් ඕෂනික් අවන්හල් ජාලයට සිය සුබ පැතුම් එක් කළ කරුණාදාස මහතා පැවැසුවේ මෙවැනි අවන්හල් මගින් කටාර් හි වාසය කරන ශ්‍රී ලාංකිකයන්ට මහත් ප්‍රතිලාභයක් අත්වන බවයි.
නව ශාඛාව විවෘත කිරීමේ අවස්ථාවට ආරාධිත අමුත්තන් සහ කටාර් හි වෙසෙන ශ්‍රී ලාංකිකයන් රැසක්ම සහභාගි විය.
එහිදී පැමිණ සිටි පිරිස ඇමැතූ නිව් වයිට් ඕෂනික් අවන්හල් ජාලයේ අධිපති දේශමාන්‍ය ටෙනිසන් ද සිල්වා මහතා පැවැසුවේ කටාර් රාජ්‍යය තුළ සිදුවන සංවර්ධන කටයුතු නිසා ශාඛා 4 ක් අහිමි වුවද, අනෙකුත් ශාඛාවලට සාපේක්ෂව තරමක් ඔබ්බට යමින් සිය 6 වැනි ශාඛාව ආසියානු නගරයේ ජාත්‍යන්තර ක්‍රිකට් ක්‍රීඩාපිටිය අසළ නව මුහුණුවරකින් යුතුව ආරම්භ කිරීමට හැකිවීම පිළිබඳව තමා බෙහෙවින් සතුටට පත්වන බවය.
එසේම සිය නව ශාඛාවට පැමිණ නියම ශ්‍රී ලාංකික ආහාර වේලක රස විඳින ලෙසටද ඔහු සියලුම ශ්‍රී ලාංකිකයන්ට ආරාධනා කළේය.
අවන්හල් ජාලයේ ඉදිරි ගමන වෙනුවෙන් නිරන්තරයෙන්ම සහයෝගය ලබාදෙන නිව් වයිට් ඕෂනික් සේවක මණ්ඩලයට, ශ්‍රී ලංකා තානාපතිතුමන් ඇතුළු ආරාධිත අමුත්තන්ට මෙන්ම කටාර් රාජ්‍යයටද තම ස්තුතිය පිරිනමන බව ටෙනිසන් ද සිල්වා මහතා වැඩිදුරටත් පැවැසීය.
