නායයෑමේ අවදානමක් හේතුවෙන් නිවිතිගල කලාප අධ්‍යාපන කාර්යාලය වහාම එම ස්ථානයෙන් ඉවත් කිරීමට සබරගමු පළාත් අධ්‍යාපන බලධාරීන් පියවර ගෙන ඇත.
ඒ අනුව එම කාර්යාලයේ ලිපිගොනු, සහ කාර්යාල උපකරණ එතැනින් ඉවත්කර දෑල මහා විද්‍යාලයේ ගොඩනැගිල්ලකට ගෙන ඒමට පියවරගත් බව සබරගමු පළාත් අධ්‍යාපන, තොරතුරු තාක්‍ෂණ සහ සංස්කෘතික අමාත්‍යංශයේ ලේකම් මහින්ද එස් වීරසුරිය මහතා පැවසුවේ ය.
නිවිතිගල, කලවාන, කහවත්ත සහ අයගම යන අධ්‍යාපන කොට්ඨාසවල පාසල් 145ක ගුරුවරු 2850ක් සහ සිසු දරුදැරියන් 35000ක පරිපාලන කටයුතු මෙහෙයවනු ලබන්නේ මෙසේ ඉවත්කළ නිවිතිගල කලාප අධ්‍යාපන කාර්යාලය මගින් බව කලාප අධ්‍යාපන අධ්‍යක්‍ෂිකා සුනීතා මැණිකේ මහත්මිය පැවසුවාය.
පසුගිය වැසි දිනවල මෙම කාර්යාලයේ ගෙබිම පුපුරා ගිය බවත්අලූතින් ඉදිකළ තාප්පයේද පැලූම් ඇතිවී ඒවා ඉක්මනින් ඈත්වන්නට වීම නිසා ඒ බව ආපදා කළමනාකරණ මධ්‍යස්ථානයට දැනුම් දී තිබු බවත් පසුව භූවිද්‍යා හා පතල් කැනීම් කාර්යාංශය විසින් කළ පරීක්‍ෂාවකින් පසු එතැන නායයාමේ අවදානමක් ඇතැයි හඳුනාගෙන සේවකයින්ට ඉවත්වන ලෙස දැනුම්දී ඇතැයි කියති.
