බණ්ඩාරගම කොතලාවල පරමනාගල විවේකාරාමයේ වසර 12ක් තිස්සේ හැදී වැඩුණු පින් ගවයා වන  ‘සුබා‘ සොරකම් කර මරා අතුණු බහන් විහාරස්ථානයට කිලෝමීටර් 2ක් ඈතින් කොළමැදිරියේ පාළු ළිඳක දමා තිබූ බවත් විහාරාධිපති වල්ගම චන්දරතන නාහිමියන් ඇතුළු සංඝරත්නය එහි වැඩමකර පාංශුකූලය දී ආගමික වතාවත් ඉටු කළහ.

එම පෙදෙසේ මුස්ලිම් වැසියෝ ද මේ අවස්ථාවට එක්වූහ. ඝාතකයා අල්ලා දෙන ලෙස දේව කන්නලව්වක් ද කරමින් පිරිසක් පොල් ගැසූහ.

මෙම සතා ඝාතනය කළ පුද්ගලයා අත්අඩංගුවට ගැනීම සඳහා වැදගත් හෝඩුවාවන් කිහිපයක් ඔස්සේ බණ්ඩාරගම පොලිසිය පරීක්ෂණ පවත්වයි.