පරණ අවුරුද්ද සඳහා ගිහියන් විසින් හිමිවරුන් පැන් පහසු කරවීමේ මංගල්‍යය අද (13)උඩුනුවර පෙතියාගොඩ ගම්මානයේදි සිදුකැරිණි.
ගෙලිඔය තෙළබුගල නිග්‍රෝද ඛෙත්ත මහා පිරිවෙන් විහාර විහාරාධිපති හා පරිවේනාධිපති ගොඩමුන්නේ පඤ්ඤාකිත්ති නාහිමියන් පැවැසුයේ 1848 වසරේ සිට එලදැත්ත වලව්ව හා සතර පේරුවේ දායකයන් වන එළදැත්ත, පෙතියාගොඩ, අරත්තන, බුලත්කොන්ඩ, හන්දෙස්ස යන ගම්මාන වල දායක මහතුන් විසින් ළිඳක් තෝරාගෙන එය පිරිසුදු කර පිරිත් කියා 50 කට අධික හිමිවරුන් පෙරහැරෙන් එම ළිඳ අසලට වඩම්මවා පැන් පහසු කර සිවුරු ආදිය දායකයන් විසින්ම සෝදා පිරිසිදු කර දෙන බවත් ඉන් පසු ගිලන් පස පිළිගන්වා නැවත පෙරහරින් විහාරයට වැඩම කරවා දන් පැන් පුජා පැරනි චාරිත්‍රයක් ඉටු කරනු ලබන බවයි.
මෙම චාරිත්‍රය මෙම ගම්මාන වල දායකයින් වසර 150 ක් තිස්සේ රැකගෙන ආ එකක් බවද ඒ හිමියෝ කීහ.
