හිටපු ප්‍රභූවරයකුගේ පුත්‍රයකුට හා බිරියට අයත් බව කියන සුඛෝපභෝගී නිවාස දෙකක් දෙහිවල මිහිඳු මාවතේ ඉදි කර ඇති බවත්, විදුලි සෝපාන ද සවි කර ඇති මෙම මහල් නිවාස ඉදි කිරීමට අඩු ගණනේ රුපියල් කෝටි 100ක් වත් වැය කරන්නට ඇති බවත් පොලිස් මූල්‍ය අපරාධ විමර්ශන ඒකකය ගල්කිස්ස උසාවියට වාර්තා කර ඇත.
එම ඉඩමේ පර්චස් 65ක් ලක්ෂ 490කට මිලදී ගෙන ඇති බව ද, සමූපකාරයක් ද සහිත පර්චස් පහක ඉඩමක් ඉතා අඩු මිලට මිලදී ගෙන ඇති බව ද පොලිසිය දැනුම් දී තිබේ.
මුළු ප්‍රමාණයෙන් පර්චස් 37ක් ප්‍රත්‍රයාගේ නමින් ද, ප්‍රභූ බිරියගේ නැන්දනියක බව කියන අවිවාහක කාන්තාවකගේ (88) නමටද ඇතැයි පොලිසිය පවසයි.
මෙම ප්‍රභූ පුත්‍රයාගේ වත්කම් පිරික්සද්දී පොලිසිය මේ බව සොයාගෙන ඇත.
