ශ්‍රී ලංකා නිදහස් පක්‍ෂය ඉදිරි පළාත් පාලන මැතිවරණයේ දී අත ලකුණින් තරඟ කිරීමට තීරණය කර ඇතැයි වාරිමාර්ග ඇමැති විජිත් විජිතමුණි සොයිසා මහතා පැවසීය.
ශ්‍රී ලංකා නිදහස් පක්‍ෂය ප‍්‍රධාන දේශපාලන පක්‍ෂ 13කින් යුත් පෙරමුණක් ගොඩනඟා තිබෙන බවත් එම පෙරමුණට විමල් වීරවංශ මහතාගේ හෝ උදය ගම්මන්පිල මහතාගේ පක්‍ෂය සම්බන්ධ කර නොගන්නා බවත් මහින්ද රාජපක්‍ෂ මහතාගේ පරාජයට හේතු වූයේ විමල් වීරවංශ මහතා කළ ප‍්‍රකාශයක් බව ද ඇමැති කීවේය.
කාලයක් තිස්සේ භාවිතා නොවූ අත ලකුණින් ඡන්දයට ඉදිරිපත් වන්නේ පක්‍ෂයේ ලකුණින් පැමිණ පක්‍ෂය ශක්තිමත් කරගැනීමේ අරමුණින් බව කී අමාත්‍යවරයා බුලත් කොළය ලකුණද ආරක්‍ෂා කරගන්නා බව සඳහන් කළේය.
ඒකාබද්ධ විපක්‍ෂයේ පා ගමන ඔවුන් තමන්ගේ උදර පෝෂණය සඳහා සංවිධානය කළ එකක් මිස පරාර්ථය වෙනුවෙන් සංවිධානය කළ එකක් නොවන බව ද ඔහු සඳහන් කළේය.
