පේරාදේණියෙන් අද (28) උදේ ආරම්භ කළ ඒකාබද්ධ විපක්ෂයේ පාද යාත්‍රාව පස්වරු 4 වන විට මාවනැල්ල නගර සිමාවේ ගනේතැන්න නගරයට ළඟා වෙමින් තිබිණි.
මාවනැල්ල නගර දොරටුව අසල පොලිසිය උසාවිය නියෝගයක් අතැතිව සිටියි. මෙම පෙළපාළියට මාවනැල්ල නගරයට ඇතුළු විය නොහැකි බව එම නියෝගයේ දැක්වේ.
බොහෝ දුරට පළමු දින පාද යාත්‍රාව ගනේතැන්නෙන් අවසන් වන ලකුණු දක්නට ලැබිණි.
'රාජපක්ෂ පවුල විතරක් නෙමෙයි මුළු විපක්ෂයම හිරේ දැම්මත් මේ ජන සටන නවත්වන්නට බැ ' යැයි විමල් වීරවංශ මහතා පාද යාත්‍රාව අවසන් කරමින් කීවේය.
ජිප් රියකින් ගනේතැන්නට පැමිණි මහින්ද රාජපක්ෂ මහතා එහි රැස්ව සිටි පිරිසට අතවනා ආචාර කළේය.
ඡායාරූප හා වීඩියෝ - අකිල බද්දේවිතාන
