කිරිබත්ගොඩ නගර මධ්‍යයෙන් අද පෙරවරු 10.30ට පමණ ඇරැඹි ඒකාබද්ධ විපක්ෂයේ පාද යාත්‍රාව මේ වනට පෑලියගොඩ ගුවන් පාලම පසුකරමින් සිටියි.
හිටපු ජනපති මහින්ද රාජපක්ෂ මහතා කිරිබත්ගොඩ සිට කිලෝමීටරයක් පමණ දුරක් පාගමනින් පැමිණි අතර පාර්ලිමේන්තු මන්ත්‍රීවරුන් වන විමල් වීරවංශ, නාමල් රාජපක්ෂ, රෝහිත අබේගුණවර්ධන, දිනේෂ් ගුණවර්ධන, උදය ගම්මන්පිල, ප්‍රසන්න රණවීර, ලොහාන් රත්වත්තේ, පවිත්‍රා වන්නිආරච්චි ඇතුළු විශාල පිරිසක් ඊට එක්ව සිටිති.
පාද යාත්‍රාව කොළඹට පැමිණ බොරැල්ල කැම්බල් පිටියට හෝ ගාලුමුවදොර පිටියට යෑමට නියමිතව ඇතැයි ඒකාබද්ධ විපක්ෂයේ ආරංචි කියයි.
පාද යාත්‍රාව නාමල් රාජපක්ෂ මන්ත්‍රීවරයාගේ ෆේස්බුක් වෙබ් අඩවිය ඔස්සේ සජීවීව විකාශය කිරීමටද කටයුතු යොදා ඇත.
ඡායාරූප - තරිඳු ජයවර්ධන
ඡායාරූප - ලහිරු හර්ෂණ
