ලබන 28 වැනිදා මහනුවරින් ආරම්භ කරන ඒකාබද්ධ විපක්ෂයේ පාද යාත්‍රාවට ශ්‍රී ලංකාවේ කොමියුනිස්ට් පක්ෂය එක් නොවන බව එම පක්ෂයේ ලේකම් හිටපු ඇමැති ඩිව් ගුණසේකර පවසයි.
එහි ‘ව්‍යවස්ථා මර උගුල පරදවමු‘ යන තේමා පාඨයට තම පක්ෂය එකඟ නොවන බවද ඔහු කියයි.
මේ අතර කොමියුනිස්ට් පක්ෂයේ සභාපති රාජා කොල්ලුරේ මහතා පවසන්නේ තම පක්ෂයේ ඩිව් ගුණසේකර හා චන්ද්‍රසිරි ගජධීර හැර සියලු සාමාජිකයන් පාද යාත්‍රාවට සහභාගී වන බවයි. පක්ෂය දෙකඩ වුවහොත් එහි වගකීම් ඩිව් ගුණසේකර මහතා දැරිය යුතු බවද කොල්ලුරේ මහතා කීය.
