එ්කාබද්ධ විපක්ෂයේ පාද යාත්‍රාව ගම්පහ දී පාරේ වම් පස තීරුවේ පමණක් ගමන් කළ යුතු බවත් මහජන පීඩා ඇති නොවන පරිදි සංවිධායකයන් ක්‍රියා කළ යුතු බවත් එසේ නොකරන ඒකාබද්ධ විපක්ෂය හෝ සෙසු පාර්ශව අත්අඩංගුවට ගැනීමට සහකාර පොලිස් අධිකාරිවරයාට බලය ඇති බවත් ගම්පහ මහේස්ත්‍රාත් කාවින්දා නානයක්කාර මෙනවිය අද (29) ප්‍රකාශ කළාය.
පාද යාත්‍රාව, එක්සත් ජාතික පක්ෂ සාමාජිකයන් බඳවා ගැනීම, ශ්‍රිලනිප ප්‍රතිසංවිධානය කිරිම හා රතුපස්වල ගැටුමට තෙවසරක් පිරිමේ සැමරුම ලබන ඉරිදා (31) ගම්පහ දී පවත්වන හෙයින් සාමය කඩ වී යෑමට ඉඩ ඇතැයි පොලිසිය අද උසාවියට කියා සිටියේය.
මෙම සංවිධාන හතරේ සියළු කටයුතු වළක්වන්නැයි ද පොලිසිය ඉල්ලා සිටියේය. මහේස්ත්‍රාත්වරිය පැවසුවේ කවර පාර්ශවයක් හෝ නිතිවිරෝධි ක්‍රියා කරන්නේ නම් අත්අඩංගුවට ගන්නා ලෙසයි.
කලගෙඩිහේන සිට කිරිල්ලවල දක්වා පාද යාත්‍රාව කොළඹ නුවර පාරේ වම් තීරුවේ පමණක් ගමන් කළ යුතු යැයි නියෝග කළ මහේස්ත්‍රාත්වරිය සෙසු පක්ෂ හා සංවිධාන කටයුතු පාද යාත්‍රාවට පැයකට පෙර හෝ පසුව කළ යුතු යැයි ද නියෝග කළාය.
