ශ්‍රී ලංකා නාවික ඉතිහාසයේ මුල්වරට ජ්‍යෙෂ්ඨතම නාවිකයා තෝරා ඔහු නාවික පාලක ප්‍රධාන සුළු නිලධරයා ලෙස පත්කරනු ලැබ සිටී.
නාවික හමුදාපති වයිස් අද්මිරාල් රවීන්ද්‍ර විජේගුණරත්න මහතාගේ අදහසක් අනුව ටී.ජී.එල්.නීල් කරු මෙම තනතුරට පත් කර ඇත. ජ්‍යෙෂ්ඨ පාලක ප්‍රධාන සුළු නිලධරයා ලෙස ඔහු මීට පෙර කටයුතු කළේය.
නාවිකයින්ගේ සුබ සාධනය, පුහුණුවීම් හා පරිපාලන කටයුතු තවදුරටත් කාර්යක්ෂමව කරගෙන යාමට මෙම නව තනතුර පිහිටවූ බවත් අධ්‍යක්ෂ ජනරාල් (පුහුණු) මගින් ඍජුවම නාවික හමුදාපති වෙත නිර්දේශ හා යෝජනා ඉදිරිපත් කිරීමේ වගකීම ඔහුට හිමිවන බවත් නාවික හමුදා මාධ්‍ය ප්‍රකාශක කපිතාන් අක්‍රම් අලෙවි මහතා පැවසීය.
(ඡායාරූප - නාවික හමුදා මාධ්‍ය අංශය)
