34 වැනි පොලිස්පති ලෙස ජ්‍යෙෂ්ඨ නියෝජ්‍ය පොලිස්පති පූජිත් ජයසුන්දර මහතා අද (20) ජනපති අතින් පත්වීම් ලිපිය ලබා ගැනීමෙන් පසු පොලිස් මූලස්ථානයේ දී වැඩ බාර ගත්තේය.
එම අවස්ථාවට ඔහුගේ බිරිය සහ දරු දෙදෙනාද පැමිණ සිටියහ.
කථානායක කරු ජයසූරිය මහතාගේ සභාපතිත්වයෙන් දස පුද්ගල ව්‍යවස්ථා සභාවේ වැඩි ඡන්දයෙන් ඔහු පොලිස්පති පදවියට සුදුසු යැයි ජනපතිට දන්වා යවා තිබිණි.
ජයසුන්දර සමඟ තවත් දෙදෙනෙක් තරගයට ඉදිරිපත් වුහ. ජ්‍යෙෂ්ඨ නියෝජ්‍ය පොලිස්පති එස්.එම් වික්‍රමසිංහ හා ජ්‍යෙෂ්ඨ නියෝජ්‍ය පොලිස්පති චන්දන වික්‍රමරත්න වෙති.
(ඡායාරූප හා වීඩියෝ පොලිස් මාධ්‍ය ඒකකය සහ ජනපති මාධ්‍ය අංශය)
