පෙම්වතියගෙන් ඉවත්වීම සඳහා ඇයට මරණීය තර්ජන ඇතුළත් එස්එම්එස් යැවූ බව කියන පෙම්වතාද ඊට උදව් කළ බව කියන රූපලාවන්‍ය ශිල්පිනියකද අත්අඩංගුවට ගත් බව පිළියන්දල පොලිසිය කියයි.
තම පෙම්වතාගෙන් ඉවත් වන ලෙසත් ඉවත් වුවහොත් රුපියල් ලක්ෂ 50ක් ගෙවන බවත් ඉවත් නොවුවහොත් මරා දමන බවත් කියමින් පෙම්වතාගේ පරණ පෙම්වතිය යැයි කියමින් තමාට එස්එම්එස් ලැබුණු බව ඇය පොලිසියට කළ පැමිණිල්ලේ සඳහන්ය.
මෙම තිදෙනා තනි තනිව පොලිසියට ගෙන්වා ප්‍රශ්න කිරීමේ දී සොයාගෙන ඇත්තේ පෙම්වතාගේ පරණ පෙම්වතිය සේ පෙනී සිටිමින් පෙම්වතියට එස්එම්එස් යැවීම සඳහා දැන් සිටින පෙම්වතා රූපලාවන්‍ය ශිල්පිනියට රුපියල් 5000ක් ගෙවා ඇති බවයි.
පෙම්වතියගේ නමින්ම ලබාගත් සිම් කාඩ් පතකින් මෙම පණිවිඩ යවා ඇති බවත් දැනගන්නට ඇත. පෙම්වතා කූඩුවට දැමූ පසු පෙම්වතිය ඔහු ඉල්ලා හැඬූ බවද කියයි.
සැකකාර පෙම්වතා දෙදරු පියෙක් බවද පොලිසිය පවසයි.
