කලාවැව ජාතික උද්‍යානයේ අලුත් බලලූවැව අන්තයේ පිවිසුම් දොරටුවේ රාජකාරියේ නිරතව සිටි වනජීවී නිලධාරීන් පිරිසකට කලාගම ප්රදේශයේ පිරිසක් බැණ රාජකාරී ස්ථානයෙන් පිටව යන ලෙසත් එම ස්ථානයේ යළි සේවයට නොපැමිණෙන ලෙසත් තර්ජනය කර රාජකාරියට බාධාකර ඇතැයි පොලිසිය කියයි.
මහනුවර මාවිල්මඩ ප්රදේශයේ නිවසක් අසල නවතා තිබූ ත්‍රීරෝද රථයක 25 සවස් කාලයේ පැහැර ගෙන ගොස් ඇති බව කටුගස්තොට පොලීසිය කියයි
කොළඹ 07 ජාත්‍යන්තර පාසලක ආරක්ෂක නිළධාරියෙක් (35) සඳුදා (25) රාත්‍රී පිහිණුම් තටාකයේ ගිලී මිය ගිය බව කුරුඳුවත්ත පොලිසිය කියයි. මිය ගිය පුද්ගලයා මහනුවර පොල්හේන්ගොඩ පදිංචි දෙදරු පියෙකි.
තමන්ට ලද තොරතුරකට අනූව හොරණ පෝරුවදණ්ඩ ප්‍රදේශයෙන් ගිනි අවියක් හා උණ්ඩ 3ක් සමඟ සැකකරුවෙකු අත්අඩංගුවට ගත් බව කොළඹ අපරාධ විමර්ශන කොට්ඨාශය කියයි.
