කිලිනොච්චිය මලෙයියාලපුරම් හි සීසාමින් තිබූ ට්‍රැක්ටරයක් රියදුරු සමග අඩි 35 ක් පමණ ගැඹුරු ළිඳකට වැටී ඇතැයි පොලිසිය කියයි.
මින් මද වේලාවකට පෙර මෝටර් රථයක් ඇල්පිටිය දූවවත්තේ ඇළකට වැටී නොපෙනී ගොස් ඇතැයිද රියදුරා පීනා ගොඩට ආවේ යැයිද පොලිසිය කියයි.
මිහින්තලේ අඹතලාගම වැවේ දියනෑමට ගිය තිදෙනකුගෙන් එක් අයකු අතුරුදන්ව ඇතැයි පොලිසිය කියයි.
නිධානයක් ලබාදෙන බව කියමින් මැදවච්චියේ ව්‍යාපාරිකයකුගෙන් රුපියල් හත් ලක්ෂ විසි දහසක මුදලක් වංචා කළ බව කියන සැකකරුවන් තිදෙනකු ගල්කුලමේදී අත්අඩංගුවට ගත් බව පොලිසිය පවසයි.
ගාල්ල - කොළඹ මහා මාර්ගයේ උස්මුදුලාව හන්දියේදී යතුරු පැදි දෙකක් ගැටී දෙදෙනකු මිය ගිය අතර තවත් දෙදෙනකු තුවාල ලබා බලපිටිය රෝහලට ඇතුළු කළ බව අම්බලන්ගොඩ පොලිසිය පවසයි.
