රාජාංගනයේ දී මත්කුඩු ළඟ තබා ගත් පුද්ගලයන් දෙදෙනෙක් අත් අඩංගුවට ගත් බව තඹුත්තේගම පොලිසිය කියයි.
රත්මලාන ගුවන් හමුදා කඳවුරේ ගුවන් භටයකු (38) සිරුර බොල්ගොඩ වැවේ තිබි සොයා ගත් බව පොලිසිය කියයි. ගිය වසරේ මිය ගිය ඔහුගේ බිරියගේත් ඔහුගේත් ජාතික හැඳුනුම්පත් හඳුනාගත් බව පොලිසිය කියයි.
ගිනි අවි පෙන්වා දේපළ කොල්ලකෑ බවට සැකපිට බෙලිඅත්තේ තිදෙනකු අත්අඩංගුවට ගත් බව පොලිසිය කියයි.
ඔවුන් සතුව තිබී රන් භාණ්ඩ කිහිපයක්, ගිනි අවියක්, මැගසින් දෙකක් හා පතරොම් 53ක් සොයාගත් බවද පොලිසිය පවසයි.
මිල්ලනිය පොලිසියේ කොස්තාපල්වරයකු තමා නැවතී සිටි ස්ථානයට පැමිණ පහරදුන් බව කියමින් පානදුර පාසලක ගුරුවරියක පොලිසියට පැමිණිලි කළ බව පොලිසිය කියයි. මේ අතර අදාළ කොස්තාපල්වරයා තමාට එම ගුරුවරිය පහර දුන් බව කියමින් රෝහලගතව සිටී.
