නිලන්ති ඩයස් පුංචි තිරයේ මෙන්ම සිනමාවේදී ද කැපී පෙනෙන තරුවක්. ඇය මේදිනවල නිරන්තරයෙන්ම දකින්නට ලැබෙන්නේ 'දෙරණ ස්ටාර් සිටි' වැඩසටහනත් සමගයි. ඒ පිළිබඳව ඇය අපත් සමග මෙසේ පවසා සිටියා.
"මේ දවස්වල දෙරණ ස්ටාර් සිටි වැඩසටහනත් සමග කාර්ය බහුලවෙලයි ඉන්නේ. එය ගායනය, නර්තනය, රංගනය කියන මේ සියලු අංග කැටිවූ වැඩසටහනක්නෙ. එක එක දවස්වලට වෙනස්ම වෙනස් තේමාවන් යටතේ තමයි වෙන්නේ."
"ඉතිං එහි වැඩකටයුතුවලට අමතරව බබාගේ සහ පවුලේ කටයුතුත් සමග තමයි මේ දවස් ටික ගෙවෙන්නේ. ඊට අමතරව පසුගිය දවස්වල අවුරුදු වැඩසටහන් තිබුණා. ඒවත් එක්ක තමයි කාර්ය බහුල වුණේ. මම දැනට මගේ නිර්මාණ කටයුතු සඳහා තාවකාලිකව සමුදීලයි තියෙන්නේ. "
"මොකද බබාගේ වැඩ කටයුතු නිසා. එයා තාම පොඩි නිසා මාව නිතරම හොයනවා. ඒකත් එක්ක දිගට යන වැඩ බාරගන්නේ නැහැ. දැනට දෙරණ එකේ වැඩකටයුතු යන නිසා වෙනත් වැඩ බාරගන්න කාලයකුත් නැහැ."
ඩිලාන් ක්‍රිෂාන්ත
