කාලිඩ් හා බ්‍රාහිම් එල් බක්‍රාවුල් යන සහෝදරයන් දෙදෙනා බෙල්ජියමේ බ්‍රසල්ස් ගුවන් තොටුපළේ මරාගෙන මැරෙන බෝම්බ ප්‍රහාරයට එන්නට ඇතැයි බෙල්ජියම් ආරක්ෂක අංශ උපුටා දක්වමින් සීඑන්එන් පුවත් සේවය කියයි.
පැරිසියේ පසුගිය නොවැම්බරයේ ඇතිවූ ප්‍රහාරයට මේ දෙදෙනා වග කියන බවද පොලිසිය පවසයි.
කාලිඩ් ව්‍යාජ හැඳුනුම්පතක් ඉදිරිපත් කර බ්‍රසල්ස් නුවර ගෙයක්ද කුලියට ගෙන ඇති බව පොලිසිය කියයි. මේ අතර බ්‍රසල්ස් නුවර උමං දුම්රියේ බෝම්බ පිපිරී 24 පැයකට පසුව යළිත් උමං දුම්රිය සේවය ඇරැඹිණි.
‘බෝම්බ ප්‍රහාරය අපට ලොකු ලැජ්ජාවක්. ඒත් අපි ජීවතුන් අතර. අපේ වැඩ කටයුතු කෙරෙන්න ඕනෑ‘ යැයි බ්‍රසල්ස් නුවරදී 17 හැවිරිදි පාසල් සිසුවෙක් සීඑන්එන් වාර්තාකරු සමග කීය.
එම දෙදෙනා සමඟ සිටි තවත් පුද්ගලයකු හඳුනා ගැනීමට පොලිසිය වෙහෙසයි. ගුවන්තොටුපළේ හා නගරයේ තවත් ස්ථානයක මරාගෙන මැරෙන බෝම්බයෙන් 34 දෙනෙකු මරණයට පත්වු 250 ක් තුවාල ලබා ඇති බව විදේස් ආරංචි කියයි.
තමන් මෙම ප්‍රහාරයේ සිටින බවත් තවත් එවැනි බෝම්බ පුපුරවා හරින බවත් අයිඑස් කැරලිකරුවෝ කියති. මෙම බෝම්බ ප්‍රහාරය හේතුවෙන් බෙල්ජියම රජය තුන් දින ශෝක කාලයක් පළ කර ඇත.
ඔවුන් දෙදෙනාගේම වමතේ කළු පැහැ අත්මේස් ඇති බවත් මරාගෙන මැරෙන බෝම්බයේ ස්විච් යතුර වසා ගැනීමට එසේ කර ඇති බව කියති.
බ්‍රසල්ස් ප්‍රහාරය නිසා දකුණු කොරියාව, ඉන්දුනිසියාව, ජපානය , ඉන්දියාව , ශ්‍රි ලංකාෙව් ද අාරක්ෂාව තරකර අැත.
