මාතර බ්‍රවුන්ස් හීල්හි අක්කර එක හමාරක පොල් ඉඩමක් මිලදී ගැනීමේ නඩුවක් සම්බන්ධයෙන් ඇප පිට සිටින හිටපු ඇමැති බැසිල් රාජපක්ෂ මහතා නොවැම්බර් 30 වැනිදා අධිකරණයට ඉදිරිපත් කරන ලෙස මාතර මහේස්ත්‍රාත් යුරේෂා ද සිල්වා මහත්මිය අද ඔහුගේ ඇපකරුවන්ට නියෝග කළේය.
කඩුවෙල මහේස්ත්‍රාත් අධිකරණයේ නඩුවකට රිමාන්ඩ් බාරයේ පසුවන රාජපක්ෂ මහතා කොළඹ ජාතික රෝහලට ඇතුළු කර ඇති නිසා අද අධිකරණයට පැමිණීමට නොහැකිවූ බව ඔහුගේ නීතීඥවරු දැනුම් දුන්හ.
කඩුවෙල අධිකරණයේ නඩුවෙන් ඔහුගේ ගුවන් ගමන් බලපත්‍රය නිදහස් කරන්නේ නම් ඒ බව මාතර මහේස්ත්‍රාත් අධිකරණයට දැනුම් දෙන ලෙස ද මහේස්ත්‍රාත්වරිය නියෝග කළාය.
