අධික රථවාහන තදබදයක් දකින්නට ලැබෙන බුදයියා අධිවේගී මාර්ගය පුළුල් කිරීමේ ව්‍යාපෘතිය මේ වනවිට සැලසුම් පියවරේ පවතින බව රජයේ උසස් නිලධාරියෙක් පවසයි.
අධික රථවාහන තදබදයක් දකින්නට ලැබෙන මෙම මාර්ගය උතුරු පළාතේ ජනාකීර්ණ ප්‍රදේශ රැසකටම ළඟාවීමට ඇති එකම මාර්ගය වන අතර එය පුළුල් කිරීමේ අවශ්‍යතාවය මතුවූයේ මීට බොහෝ කලකට පෙරය. එහෙත් කලින් කලට මාර්ගයේ සංවර්ධන කටයුතු ගැන කතාබහ මතුවුවත් ඉදිකිරීම් කටයුතු ආරම්භ වන දිනය හෝ අවසන් වන දිනය ගැන හරි හැටි තොරතුරු ඉදිරිපත් නොවූ බව නගරසභිකයෝ පවසති. කෙසේවෙතත්, අධිවේගය පුළුල් කිරීමේ ව්‍යාපෘතිය සඳහා සමාගම්වලින් ටෙන්ඩර් කැඳවා ඇති බව පසුගියදා වාර්තා විය.
“අපි මාර්ගයට අමතරව විදුලි ආලෝකකරණය ප්‍රතිසංස්කරණය කරලා අධිවේගී මාර්ගය ලස්සන කිරීමටත් බලාපොරොත්තු වෙනවා. ඒ වගේම පදික බාධක වගේම වාහන අනතුරුවලින් වළක්වාලන බාධක යෙදීමටත් බලාපොරොත්තු වෙනවා” යැයි ෆාක්හ්රෝ මහත්මිය පවසයි. “ඒ වගේම මාර්ගය හරහා මාරුවීමට දැනට තිබෙන රථවාහන සංඥා වෙනුවට පදික පාලම්ද ඉදිකිරීමට නියමිතයි” අධිවේගය පුළුල් කිරීමේ ව්‍යාපෘතිය සඳහා ජිසීසී සංවර්ධන අරමුදලෙන් ඩොලර් බිලියන 10ක් ලබාදීමට බහරේනයේ අසල්වැසි රටවල් 2011 වසරේදී පොරොන්දු වූ බවද ඇය පැවැසුවාය.
කෙසේවෙතත් ඉදිකිරීමේ වැඩ ආරම්භ කරන දිනය ගැන සඳහන් කිරීමට තවමත් කල්වේලා වැඩි බවද ඇය අවධාරණය කළාය.
