මංජුල පුෂ්පකුමාර සුපර් ස්ටාර් ගායන තරු පරපුරේ මුල්ම ගායකයෙක්. මුල්ම රියැලිටි වැඩසටහනකින් බිහි වූ ඔහු අද වන විට බොහෝ රසික ජනාදරයට පත්ව සිටිනවා. මේ පිළිසඳර ඔහුගේ කලා කටයුතු පිළිබඳවයි.
"මේ දවස් ගොඩක්ම කාර්යය බහුලවෙලා ඉන්නේ සංගීත ප්‍රසංග නිසයි. ඊට අමරතව මම සංගීත කණ්ඩායමක් ආරම්භ කළා. ඉතිං එහි වැඩකටයුතු කරගෙන යනවා. සංගීත කණ්ඩායම ගැන කතාකරනවා නම් ඒක කලින් තිබ්බේ "ආයුබෝවන් ශ්‍රී ලංකා^ කියලා. කලින් හිටියේ වෙන නායකයෙක්. දැන් ඒක "ආයුබෝවන් ශ්‍රී" වෙලා මගේ නමින් කරගෙන යනවා. එයට හොඳ ප්‍රතිචාර හිමිවෙමින් පවතිනවා. මොකද වෘත්තීමය වශයෙන් සංගීත කණ්ඩායම් සාමාජිකයන් කිහිපදෙනෙක් තමයි ඉන්නේ. අද කාලේ ගොඩක් සංගීත කණ්ඩායම් බිහිවෙන්නේ සංගීතය ඉගෙන ගත්තෙ නැති අයත් එක්කනේ."
"මම එළිදැක්වූ "තෙරුවන් සරණයි" කියන ගීතය ගොඩක් ජනප්‍රිය වුණා. ඒකේ වචන ටිකත් එක්ක මිනිසුන් අතරට ගිය ගීතයක් කියලා ගොඩක් අය කියනවා. ඊට පස්සේ තමයි "තනි වෙලා මා" කියන ගීතය කළේ. ඊට අමතරව මේ අවුරුද්දේ තව ගීත කිහිපයක් එන්න තියෙනවා. මෙවැනි දේවල් එක්ක තමයි කාලය ගෙවෙන්නේ."
ඩිලාන් ක්‍රිෂාන්ත
