මඩකලපුව ගුවන් හමුදා කඳවුරේ ප්‍රතිසංස්කරණය කරන ලද ගුවන් පථය සහ මගී පර්යන්තය අද (10) ජනපති මෛත්‍රිපාල සිරිසේන මහතා අතින් විවෘත කැරිණි.
නවීකරණය කරන ලද ගුවන් පථයට ගොඩබැස්වූ පළමු ගුවන් යානයෙන් ජනපති එහි පැමිණියේය.
රුපියල් මිලියන 1143ක් වැය කර සැකසූ නව ගුවන් පථය මීටර් 1560 ක් දිගින් යුත් අතර මධ්‍යම ප්‍රමාණයේ ගුවන් යානා සඳහා පහසුකම් සලසමින් එය නවීකරණය කර තිබේ.
අමාත්‍ය දයා ගමගේ, ආරක්ෂක රාජ්‍ය අමාත්‍ය රුවන් විජයවර්ධන, ගුවන් හමුදාපති එයාර් මාර්ෂල් ගගන් බුලත්සිංහල මහතා ඇතුළු පිරිසක්ද එම අවස්ථාවට එක්ව සිටියහ.
