මත්ද්‍රව්‍ය භාවිතය හා නීති විරෝධී ප්‍රවාහනය පිටුදැකීමේ ජාත්‍යන්තර දිනය සමරමින් අද (26) ජනපති මෛත්‍රිපාල සිරිසේන මහතා ගේ ප්‍රධානත්වයෙන් ශ්‍රී ලංකා පදනම් ආයතනයේදී උත්සවයක් පැවැත්විණි.
මත්ද්‍රව්‍ය නිවාරණයට කැපවූ ත්‍රිවිධ හමුදා පොලිස් හා රේගු නිලධාරීන්ට එහිදී සම්මාන පිරිනැමුණු අතර අන්තරායකර ඖෂධ පාලක මණ්ඩලය විසින් ජනපතිට සමරු තිළිණයක් ද පිරිනමනු ලැබීය.
අන්තරායකර ඖෂධ පාලක මණ්ඩලයේ මහාචාර්ය රවීන්ද්‍ර ප්‍රනාන්දු, නීතිය හා සාමය ඇමැති සාගල රත්නායක යන මහත්වරුද උත්සවයට එක්ව සිටියහ.
