ගංවතුරින් හා නායයෑම් වලින් පාසල් පොත්පත් හා උපකරණ අහිමිවූ සිසු සිසුවියන්ට එම උපකරණ මහජනතාවගේ ආධාරයෙන් එක්රැස් කරදීමේ වැඩපිළිවෙළක් විදේශ රැකියා අමාත්‍යංශය ආරම්භ කර ඇති බව විදේශ රැකියා නියෝජ්‍ය ඇමැති මනූෂ නානායක්කාර අද (23) ප්‍රවෘත්ති සාකච්ඡාවකදී පැවසීය.
‘පොතක් දෙන්න‘ නමින් ආරම්භ කර ඇති එම වැඩසටහන සඳහා ආධාර විදේශ සේවා නියුක්ති කාර්යංශයේ ප්‍රධාන කාර්යාලය හා ප්‍රාදේශිය කාර්යාලවලට ලබාදිය හැකි බවත් වැඩිදුර තොරතුරු 0716 159 659 අංකයෙන් ලබාගත හැකි බවත් නියෝජ්‍ය ඇමැතිවරයා කීය.
