නර්තන ශිල්පිනියක් ලෙස තම ගමන ඇරඹු ඇය මේ වන විට මෝස්තර නිරූපණ ශිල්පිනියක් ලෙසත් පුංචි තිරයේ දක්නට ලැබෙන, සාරවිට.lk සමඟ එකතු වන ඇය ඉනෝෂි පෙරේරා ය.
කොහොමද ඉනෝෂි මේ දවස් වල වැඩ කටයුතු..?
"මේ දවස් වල නීති විභාගයට පාඩම් කටයුතු කරනවා. ඒ වැඩ කටයුතුත් එක්ක තමයි නර්තනයත් සමඟම ටෙලි නාට්‍ය සහ චිත්‍රපට වල රූගත කිරීම් වල නිරත වෙන්නේ.”
ඉතිං මේ හැමදේමත් එක්ක අධ්‍යාපනයට බාධාවක් නැද්ද?
“නෑ. මම හැමදේම සමබරව කරගෙන යනවා.මොන දේ කලත් අධ්‍යාපනයට මූලිකත්වය දීලා තමයි වැඩ කටයුතු කරන්නේ.”
මේවන කොට මොනවද රූ ගත කිරීම් කරන ටෙලි නාට්‍ය?
“මම මේ ක්ෂේත්‍රයට අලුත්. මම රංගනයෙන් දායක වුන ටෙලි නාට්‍ය, චිත්‍රපට තවම ප්‍රචාරය වුනේ නැහැ. එහෙත් ඉදිරියට ප්‍රචාරය වීමට තිබෙන "සඳවතියේ" ටෙලි නාට්‍ය, "අපිත් සූර්යෝ", "තනාපතිලගේ ගෙදර" යන චිත්‍රපට වල රූ ගත කිරීම් සඳහා මේ දිනවල සහභාගි වෙනවා.”
දිගටම වෘත්තීයේ ඉන්නවද? නැත්නම් විනෝදාංශයක් ලෙස සිදු කරනවාද?
“ඔව්. ලැබෙන අරාධනා සමඟ රංගන කටයුතු කරගෙන ඉදිරියට යන්න තමයි මගේ බලාපොරොත්තුව.”
මේ ක්ෂේත්‍රයට එන්න උදව් කල අය කව්ද?
“මම මුලින්ම මගේ ආදරණීය අම්මට ස්තූති කරන්න ඕනේ. මොකද මොන වැඩ තිබුනත් අම්මා මගේ වැඩ වලට මගේ ලඟින්ම ඉන්නවා. ඒ වගේම තාත්තත්. තාත්තටත් පුළුවන් හැම විදියෙන්ම මට උදව් කරනවා. ඒ වගේම දුෂ්ශන්ති දේවිකා ගුරුතුමිය, සෙනෙවිරත්න ගුරුතුමා සහ නන්අයුරින් මගේ මේ ගමනට උදව් කළ හැමෝටම මම ස්තූති කරනවා.”
සටහන සහ ඡයාරූප- ඉෂාන් සංජීව
