වනජීවී දෙපාර්තමේන්තුව හා ෆ්‍රීඩම් ශ්‍රී ලංකා පදනම මගින් ක්‍රියාත්මක කෙරෙන ‘දඩයක්කරුවන් දඩයම් කරමු‘ වැඩසටහනට ලැබුණු ඔත්තුවක් මත මොනරකු හම ගැසූ පුද්ගලයකු සෙවීමේ කටයුතු අරඹා ඇතැයි කියති.
මොනරකු හම ගසා එක් අතකින් එල්ලාගෙන සිටින පින්තූරයක් තම සංවිධානයට ලැබුණු බව ෆ්‍රීඩම් ශ්‍රී ලංකා පදනම පවසයි.
එහි එක් අතකින් හම ගැසූ මොනරා අල්ලාගෙන සිටින සැකකරුගේ අනෙක් අතේ තුවක්කුවක්ද දැකිය හැකිය.
ඒ අනුව වනජීවී දෙපාර්තමේන්තුව සිද්ධිය සම්බන්ධයෙන් පරීක්ෂණ ක්‍රියාත්මක කර ඇති බවත් සැකකරු දංකොටුවේ පදිංචිකරුවෙක් බවත් කියති. ඔහු සොයා වෙන්නප්පුව පොලිසිය පරීක්ෂණ අරඹා ඇත. මෙම සිද්ධිය පසුගිය වසරේ සිදුවූවක් විය හැකි බවට වනජීවී දෙපාර්තමේන්තුව සැක කරයි.
