චාවකච්චේරියේ මරවනකුලම් හි පාළු නිවසකින් මරාගෙන මැරෙන බෝම්බ ඇඳුම් කට්ටලයක් ඇතුළු පුපුරන ද්‍රව්‍ය තොගයක් සොයාගත් බව පොලිසිය කියයි.
පසුගිය යුද සමයේ සඟවා තබන්නට ඇතැයි සැලකෙන මෙම පුපුරන ද්‍රව්‍ය අතර පැති බෝම්බ හතරක් අධිබලැති ටීඑන්ටී පුපුරන ද්‍රව්‍ය කිලෝ 12ක්, මිලි මීටර් 9 පතරොම් 100ක්, පැති බෝම්බ පිපිරවීමට යොදා ගන්නා බැටරි පැක් දෙකක් සැකකරුවකුද සමග අත්අඩංගුවට ගත් බවත් එය සැඟවූ බව කියන පුද්ගලයාද අත්අඩංගුවට ගත් බව පොලිසිය පවසයි. ඊට අමතරව යතුරු පැදියක් හා සිම්කාඩ් හතරක් ද එහි තිබී සොයා ගැනිණී.
චාවකච්චේරි නිවසේ හිමිකාරියද සැකපිට අත්අඩංගුවට ගත් බවත් ඇය අසනීපව රෝහලට ඇතුළු කළ බවත් පොලිසිය කියා සිටී. මේ අතර මෙම භාණ්ඩ නිවසේ බව කියන පුද්ගලයා කිලිනොච්චියේ අක්කරායන්කුලමේදී අත්අඩංගුවට ගෙන ඇත.
ඡායාරූප - සිතුම් චතුරංග, රොමේෂ් මධුසංඛ
වීඩියෝ - රොමේෂ් මධුසංඛ
