ත්‍රිකුණාමලයේ සාම්පූර් ළිඳක තිබී මල්ටිබැරල් අවිවලට යොදන පැරණි රොකට් උණ්ඩ 44ක් සොයා ගත් බව සාම්පූර් පොලිසිය කියයි.
සාම්පූර්හි නාවික හමුදා කඳවුර බාරයේ තිබූ ඉඩම් රැසක් පසුගිය සතියේ නිදහස් කළ අතර පසුගිය 25 වැනි දා එහි ජනතාව පදිංචි කරනු ලැබීය.
එලෙස පදිංචිකළ පුද්ගලයකු ඊයේ (03) දහවල් ළිඳක් ඉසිද්දී මෙම උණ්ඩ තොගය හමුවී තිබේ.
ත්‍රිකුණාමලය පොලිස් කොට්ඨාසයේ වැඩ බලන සහකාර පොලිස් අධිකාරී 01 කේ ඒ ජේ කොඩිතුවක්කු සහ සහකාර පොලිස් අධිකාරී ඉන්දික සිල්වා මහත්වරුන්ගේ අධීක්ෂණයෙන් සාම්පූර් පොලිස් ස්ථානාධිපති පොලිස් පරීක්ෂක ස්වාහිර් මහතා ඇතුළු නිලධාරීහු පරීක්ෂණ සිදුකරයි.
