නකල්ස් රක්ෂිතය ආශ්‍රිත දුර්ලභ වන සතුන් දඩයම් කළ සිද්ධියේ ප්‍රධාන සැකකරු ඇතුළු සැකකරුවන් හය දෙනා ලබන 07 වැනිදා දක්වා රිමාන්ඩ් කිරීමට තෙල්දෙණිය වැඩ බලන මහේස්ත්‍රාත් ශ්‍රිරෝමනි නියාගම මහත්මිය නියෝග කළාය.
එස්.එම්.සිරාජ්, කොඩිතුවක්කු ආරච්චිගේ නලින්ද වීරතුංග, කොඩිතුවක්කු ආරච්චිගේ රවීන්ද්‍ර වීරතුංග, චන්ද්‍රසේකර් විජයකාන්ත්, ගලබඩ ලියනගේ රුෂීන් සංජීව සමරනායක සහ එම්.නන්දකුමාර් යන අය එසේ රිමාන්ඩු කරනු ලැබූහ.
රන්දෙනිගල වනජීවි නිලධාරින් විසින් සැකකරුවන් තෙල්දෙණිය අධිකරණයට ඉදිරිපත් කරනු ලැබූහ.
වන සත්ව හා වෘක්ෂලතා ආරක්ෂණ ආඥා පනත යටතේ මෙම සැකකරුවන් අත් අඩංගුවට ගනු ලැබුයේ පන්විල පොලිසිය සමග වනඡිවී අඩවි වන නිලධාරින් කළ මෙහෙයුමකිනි.
ෆේස්බුක් ඔස්සේ මෙම සතුන් දඩයම් කළ ඡායාරූප ප්‍රසිද්ධියට පත්වීමත් සමග සැකකරුවන් හඳුනාගැනීමට හැකිවිය.
ඡායාරූප - චමිල් රූපසිංහ
