උගන්ඩා ජනාධිපතිවරයාගේ පදවි ප්‍රාප්ති උත්සවයට සහභාගි වීම සඳහා හිටපු ජනාධිපති මහින්ද රාජපක්ෂ මහතා අද (11) අලුයම 3.15 ට කටුනායක ගුවන්තොටුපළින් උගන්ඩාව බලා පිටත්ව ගියේය.
එමිරේට්ස් ගුවන් සේවයට අයත් ඊ.කේ. 349 දරන ගුවන් යානයෙන් ඩුබායි හරහා උගන්ඩාවට පිටත් වීම සඳහා රාජපක්ෂ මහතා කටුනායක ගුවන්තොටුපළේ අති විශේෂ අමුත්තන්ගේ කුටියට පැමිණ සිටියේ උගන්ඩා ජනාධිපතිවරයාගේ පදවි ප්‍රාප්තිය වෙනුවෙන් පැවැත්වෙන උත්සවයට ලැබී ඇති අරාධනාවකට අනුවය.
මෙම සංචාරය සදහා මහින්ද රාජපක්ෂ මහතා සමග සතියක කාලයක් විදේශ ගත වීමට අවසර ඉල්ලා හිටපු ජනපති පුත් යෝෂිත රාජපක්ෂ කඩුවෙල අධිකරණයෙන් කළ ඉල්ලීම ප්‍රතික්ෂේප කරමින් එම අයැදුම කොළඔ මහාධිකරණය හමුවට යොමු කරන ලෙසට නියෝග කැරිණි.
