ගාල්ල ඵෛතිහාසික කොටු පවුර ඉදිරිපිට සමනල ක්‍රීඩාංගණයේ ශ්‍රීලනිප මැයි රැලිය සඳහා වේදිකා තුනක් ඉදිකර ඇත.
සංස්කෘතික සංදර්ශනය සඳහා දැවැන්ත වේදිකාවක්ද ජනපති මෛත්‍රිපාල සිරිසේන ඇතුළු ආරාධිතයන් සඳහා තවත් වේදිකාවක් ද එහි ඇත. යහපත් කාලගුණයක් පවතින අතර කැපී පෙනෙන විශේෂ ලක්ෂණයක් වනුයේ ඒකාබද්ධ විපක්ෂය සමග කිරුළපන රැලියට සහභාගී වන මහින්ද රාජපක්ෂ හිටපු ජනපතිගේ පින්තූරයත් සමනල වේදිකාව ආසන්නයේ කටවුට්වල ප්‍රදර්ශනය කැර තිබීමයි.
සෙසු පක්ෂ නායකයන් සමග ඔහුගේ ඡායාරූපය එහි වේදිකාව ආසන්නයේ කටවුට්වල සවිකර ඇත.
ගාල්ල දෙවටින් හා මහමෝදරින් පස්වරු 1ට මැයි පෙළපාළිය ඇරැඹීමට නියමිතය. ගාල්ල නගරය නිල් පැහැයෙන් සරසා ඇත.
