ගාල්ල සමනල ක්‍රීඩාංගණයේ මැයි රැලියට නොඑන ශ්‍රිලනිප මන්ත්‍රීන් , ආසන සංවිධායකයන්, පළාත් සභා මන්ත්‍රීන් යන සියලු දෙනාට එරෙහිව විනය ක්‍රියාමාර්ග ගන්නා බව පක්ෂ ලේකම් දුමින්ද දිසානායක මහතා කොළඹ ඩාලි පාරේ ශ්‍රිලනිප මුලස්ථානයේ අද (22) මාධ්‍ය හමුවක දී පැවසිය.
මීට පෙර පක්ෂ සාමාජිකයන්ගේ විනය කඩ වී යැයි නිසි ක්‍රියා නොගත්තැයි පක්ෂ සාමාජිකයන්ට දොස් කියන බවත් දිසානායක මහතා කීවේය. මේ අතර පක්ෂයේ ආසන සංවිධායකවරු පත් කිරිම සඳහා අගමැති ද ඇතුළු සප්ත පුද්ගල කමිටුවක් පත් කර ඇති බවත් දැනට ඉල්ලුම්පත් විශාල ප්‍රමාණයක් ලැබී ඇති බවත් කීවේය.
ප්‍රශ්නය - ඔබ පාක්ෂිකයන්ට තර්ජනය කරනවාද?
පිළිතුර - නෑ නෑ කිසිම තර්ජනයක් නෑ.
හිටපු ජනාධිපති මහින්ද රාජපක්ෂ මහතා තමාට නොගැලපෙන ප්‍රකාශ ප්‍රසිද්ධියේ කියමින් ඔහු හැල්ලුවට ලක් වන බව කීවේය. තමා ඒකාබද්ධ විපක්ෂයේ කිරුලපන මැයි රැලියට සහභාගි වන බව ඔහු දැනටමත් ප්‍රකාශ කර ඇත.
