හිටපු ජනපති මහින්ද රාජපක්ෂ හා හිටපු අගවිනිසුරුවරුන් කිහිප දෙනකු කළැයි කියන දූෂණ කි‍්‍රයා සම්බන්ධයෙන් තමා අල්ලස් කොමිසමට කළ පැමිණිල්ල කඩිනමින් විභාගයට ගැනීමේ රීට් ආඥාවක් නිකුත් කරන ලෙස ඉල්ලා නීතිඥ නාගානන්ද කොඩිතුවක්කු මහතා ශ්‍රේෂ්ඨාධිකරණයට පෙත්සමක් ගොනු කර ඇත.
නුගේගොඩ සුභද්‍රාරාම පාරේ පදිංචි නීතිඥ නාගානන්ද කොඩිතුවක්කු මහතා විසින් ගොනු කළ මෙම පෙත්සමෙහි වගඋත්තරකරුවන් ලෙස අල්ලස් හෝ දූෂණ කොමිසම, අගවිනිසුරුවරුන් වන කේ. ශ්‍රී පවන් , හිටපු අගවිනිසුරුවරුන් වන ආචාර්ය ශිරාණි බණ්ඩාරනායක, මොහාන් පීරිස්, සරත් එන් සිල්වා, අභියාචනාධිකරණ සභාපති විනිසුරු විජිත් මලල්ගොඩ, හිටපු ජනාධිපති මහින්ද රාජපක්ෂ, නීතිඥ සංගමයේ සභාපති ජෙෆ් අලගරත්නම් යන අය නම් කරනු ලැබ සිටිති.
