ලංකාදීප පුවත්පතේ ජ්‍යෙෂ්ඨ මාධ්‍යවේදියකු වූ දුෂ්‍යන්ත සමරසේන මහතා (61) අද (30) අභාවප්‍රාප්ත විය.

කොළඹ විශ්ව විද්‍යාලයේ උපාධිධරයකු වන සමරසේන මහතා ලංකාදීප පුවත්පත විජය පුවත්පත් සමාගමෙන් ප්‍රකාශයට පත් කිරීම අරඹද්දී එයට සම්බන්ධව සිටි අයෙකි.

ඔහුගේ බිරිය මීට පෙර මියගොස් සිටි අතර සමරසේන මහතා දියණියන් දෙදෙනකුගේ පියෙකි.

ඔහු මාතර තලල්ලේ දී උපත ලබා ඇත.

ශ්‍රී ලංකා වෘත්තීය  පත්‍ර කලාවේදීන්ගේ සංගමයේ ලේකම්වරයකු ලෙස සුවිශේෂ කාර්යභාරයක් ඉටු කළ සමරසේන මහතා 'ලේකම්තුමා' යන සුරතල් නාමයෙන් සගයන් අතර ජනප්‍රිය විය.

ඒ මහතාගේ දේහය කෝට්ටේ මාදිවෙල ඔබහේන පාරේ අංක 15 දරණ නිවසේ තැන්පත් කර ඇත.

අවමංගල කටයුතු ඉරිදා (3) පස්වරුවේ මාදිවෙල දී සිදුකිරීමට නියමිතය.

(දුෂ්‍යන්ත මහතා සිය සඟයන් සමඟ)