මාර්තු මාසයේදී රතු ආලෝක සංඥා නොතකා ධාවනය කළ පුද්ගලයන් 1,738ක් අල්ලාගෙන ඇති බව සංවර්ධන සැලසුම් සහ සංඛ්‍යාලේඛන අමාත්‍යාංශ වෙබ් අඩවියේ දැක්වේ. එසේම මාර්තු මාසයේදී නියමිත වේග සීමාව ඉක්මවා ධාවනය කළ (රේඩාර්) පුද්ගලයන් 69,917ක්ද අල්ලාගෙන ඇති බව එහි දැක්වේ.
සංවර්ධන සැලසුම් සහ සංඛ්‍යාලේඛන අමාත්‍යාංශ නිරන්තරයෙන්ම විවිධ සංඛ්‍යාලේඛන දත්ත නිකුත් කරන අතර පසුගියදා තොරතුරු ප්‍රස්ථාර ආශ්‍රයෙන් නිකුත් කරන ලද වාර්තාවක ඉහත රථ වාහන නීති උල්ලංඝනය කිරීම් ගැන විස්තර දැක්වේ.
වාහන ලියාපදිංචිය අලුත් නොකළ සිදුවීම් 312ක් වාර්තා වී ඇති අතර මැයි මාසය තුළ රථ වාහන සංඥා උල්ලංඝනය කිරීම් 10,441ක් සහ රථවාහන උපදෙස් උල්ලංඝනය කිරීම් 18,273ක්ද වාර්තා වී ඇත.
එසේම මාර්තු මාසයේදී පුද්ගලයන් 1,540,226 දෙනෙකු හමාඞ් ජාත්‍යන්තර ගුවන්තොටුපොළෙන් පිටත්ව ගොස් ඇති අතර එම කාලය තුළදීම පුද්ගලයන් 1,524,101ක් ගුවන් තොටුපොළට පැමිණ ඇති බවද සංවර්ධන සැලසුම් සහ සංඛ්‍යාලේඛන අමාත්‍යාංශ නිකුත් කළතොරතුරු ප්‍රස්ථාර සටහනේ දැක්වේ.
